Цæгат Иристонæй дыууæ адæймаджы фæуæлахиз сты æппæтуæрæсеон конкурсы

Иугонд Уæрæсейы "Æрыгон гвардийы" регионалон разамонæг Бзарты Еленæ архайы фæсивæдон змæлды райрæзтыл. Чызг æппынæдзух кусы рæзгæ фæлтæримæ, уыимæ ма æххæст кæны ахсджиаг æхсæнадон хъæппæристæ. Æрæджы сси "Æппæтуæрæсеон конкурс "Быть, а не казаться"-йы уæлахиздзау. - Алы лидер æмæ разамонæгæн дæр ахæм профессионалон мадзæлтты архайд фадат дæтты хи гæнæнтæ фæуæрæхдæр кæнынæн, фæлтæрддзинад фæфылдæр кæнынæн, ног адæмимæ базонгæ уæвынæн. Ахсджиаг ма у, дæ къорды цы фæсивæд кусы, уыдон разæнгард кæнын, хи дæнцæгæй сын æвдисын, æппынæдзух хиуыл кусын кæй хъæуы,уый. Еленæ нæ дызæрдыг кæны, разамонæг æрмæст йæ зонындзинæдтæ нæ амоны. Хъуамæ зона хъусын, æххуыс кæнын æмæ йæхи дæнцæгæй раст фæндаг æвдисын. - Регионы "Æрыгон гварди"-йы архайы 100 адæймаджы онг, уый районты бынæттон хайæдтæ, Дзæуджыхъæуы фæсивæд. Уыдонимæ æрвылбон кусæм, аразæм акцитæ, мадзæлттæ, фыссæм социалон проекттæ, нæ хъæппæристæ æххæст кæнæм. Æркасты иу финалист ма сси Тъехты Эльбрус. Йæ куыст баст у патриотон хъомыладимæ, рӕзгӕ фӕлтӕрмӕ бӕрнондзинады ӕнкъарӕнтӕ ӕмӕ активон граждайнаг позици аразыныл. Зондамонæджы хъуыддаджы ныридæгæн ис 12 азы, æмархайд кæны æгас республикæйы фæсивæдимæ — скъоладзаутæй, æвзонг лидерты онг. Йæ къордимæ аразы егъау мадзæлттæ æфсæддон-патриотон хъомыладæн, историон рухсадæн æмæ культурон бынтæ бахъахъхъæнынæн. Йæ æнтыстдзинæдтыл æрлæууынмæ нæ хъавы. Ныртæккæ архайджытæ сæхи цæттæ кæнынц конкурсы кæронбæттæнмæ, ацæудзæн октябры, Тулæйы облæсты. Уым сæм æнхъæлмæ кæсы хъуыддаджы æмæ æфсæддон-спортивон хъазт, ахуырадон программæ, хъахъхъæндзысты авторон проекттæ. 2026-æм азы финалистты 'хсæн фылдæр парахат уыд номинаци "Фæлтæрдджын разамонæг". Дыккаг æмæ æртыккаг бынаты "Наставник-лидер" - къордты координатортæ æмæ лидертæн, уыимæ ма " Начинающий наставник» - 16 азæй фæстæмæ æрыгон архайджытæн. Æппæтæрæсеон æркаст "Быть, а не казаться» æртыккаг аз æххæст кæнынц Уæрæсейы Президент Владимир Путины фæдзæхстмæ гæсгæ, 2025-æм азæй та цæуы национ проект "Фæсивæд æмæ сывæллæттæ"-йы фæлгæты.