ЦИПУ-йы цæуы стратегион сесси «Æдас Кавказ»

Цæгат Ирыстоны паддзахадон университеты цæуы стратегион сесси «Æдас Кавказ». Йæ байгом кæныны фæдыл мадзалы архайдтой Уӕрӕсейы наукӕ ӕмӕ уӕлдӕр ахуырады министрады информацион политикӕ æмӕ комплексон ӕдасдзинады департаменты директоры хӕдивӕг Георгий Нерсесян, национ политикӕ ӕмӕ ӕддагон бастдзинӕдты министр Бæгъиты Алан, республикӕйы сӕргълӕууӕджы ӕххуысгӕнӕг Вадим Лес ӕмӕ Цæгат Ирыстоны паддзахадон университеты ректор Огъуаты Алан. Дыууӕ боны координацион центрты разамонджытӕ, педагогон ӕхсӕнады минӕвӕрттӕ бӕстӕйы 69 регионӕй дих кæндзысты хуыздӕр практикӕтӕ терроризм ӕмӕ экстремизмы идеологийы ныхмӕ тохы къабазы. Пленарон ӕмбырды ӕркастысты, фӕсивӕды диверсион-террористон архайдмӕ цӕмӕй ма кӕной, уыцы фарстатӕм. Дзырдтой традицион хӕзнатӕ ӕмӕ адæмты 'хсæн ахастытӕ бахъахъхъӕныныл. Мадзалы программӕйы ма ис тренингтӕ, сесситӕ.