БЛАГОДАРСТВЕННІ МОЛИТВИ ПІСЛЯ СВЯТОГО ПРИЧАСТЯ. Церковнослов'янською мовою.

Благодарственні молитви церковнослов'янською мовою, які читаються після святого Причастя. Тропарі в молитвах читаються в залежності від літургії на якій ви причащалися: Іоанна Златоуста, Василія Великого, чи літургії Попередньо освячених Дарів свт. Григорія Двоєслова. Тропарь Иоанну Златоустому, глас 8-й У́ст твои́х, я́коже све́тлость огня́, возсия́вши благода́ть, вселе́нную просвети́: не сребролю́бия ми́рови сокро́вища сниска́, высоту́ на́м смиренному́дрия показа́, но твои́ми словесы́ наказу́я, о́тче Иоа́нне Златоу́сте, моли́ Сло́ва Христа́ Бо́га спасти́ся душа́м на́шим. Сла́ва Отцу, и Сы́ну, и Свято́му Ду́ху. Кондак, глас 6-й От небе́с прия́л еси́ Боже́ственную благода́ть, и твои́ма устна́ма вся́ учи́ши покланя́тися в Тро́ице еди́ному Бо́гу, Иоа́нне Златоу́сте всеблаже́нне, преподо́бне, досто́йно хва́лим тя́: еси́ бо наста́вник, я́ко боже́ственная явля́я. Якщо звершується літургія святого Василія Великого, читай: Тропарь Василию Великому, глас 1-й Во всю зе́млю изы́де веща́ние твое́, я́ко прие́мшую сло́во твое́, и́мже боголе́пно научи́л еси́, естество́ су́щих уясни́л еси́, челове́ческия обы́чаи украси́л еси́, ца́рское свяще́ние, о́тче преподо́бне, моли́ Христа́ Бо́га, спасти́ся душа́м на́шим. Сла́ва Отцу, и Сы́ну, и Свято́му Ду́ху. Кондак, глас 4-й Яви́лся еси́ основа́ние непоколеби́мое́ Це́ркве, подая́ всем некра́домое госпо́дство челове́ком, запечатле́я твои́ми веле́ньми, небоявле́нне Васи́лие преподо́бне. Якщо звершується літургія Попердньо освячених Дарів, читай: Тропарь святому Григорию Двоеслову, глас 4-й И́же от Бо́га свы́ше Боже́ственную благода́ть восприе́м, сла́вне Григо́рие, и Того́ си́лою укрепля́емь, ева́нгельски ше́ствовати изво́лил еси́, отону́дуже у Христа́ возме́здие трудо́в прия́л еси́, всеблаже́нне: Его́же моли́, да спасе́т ду́ши на́ша. Сла́ва Отцу́ и Сы́ну и Свято́му Ду́ху. Кондак, глас 3-й Подобонача́льник показа́лся еси́ Нача́льника па́стырем Христа́, и́ноков чреды́, о́тче Григо́рие, ко огра́де небе́сней наставля́я, и отту́ду научи́л еси́ ста́до Христо́во за́поведем Его́: ны́не же с ни́ми ра́дуешися, и лику́еши в небе́сных кро́вех.