16 нчы октябрьдә Казанда Кызыл Татарстан һәм Меховщиклар урамнары киселешендә торгызылган Ак мәчетне ачу тантанасы булды. Тантана Татарстан Республикасы Рәисе Рөстәм Миңнеханов катнашында узды. Гәрчә халыкта аны «Ак мәчет» дип йөртсәләр дә, мәчетнең рәсми исеме - Яңа Бистә. Дини объект 1805 нче елда ачылган һәм бистәдә беренче кирпеч мәчет булган. Урын үзе бай тарихи әһәмияткә ия.