Дыгургом I Фæрдгуытæ

Дыгургомы хӕхтӕн сӕ астæу диссаджы хъӕу ис - Стыр Дыгур. Уым сыгъдæг уӕлдӕфæй сӕр разилы, æрдзы нывтæ та зӕрдӕ ныззарын кæнынц. Ахӕм ран цӕрын иутӕн уæззау у, иннæтæ дзы сахуыр сты, æмæ сæм æнæ хæхбæстæй сæ цард æгъуыз кæсы. Чи дзы райгуырд, уымæн æй ныууадзын йæ зæрдæ нæ бакомдзæн. Уыдонæй иу - Хайманты Хасан. Йæхæдæг дæр ыл сæтты, - горӕты йæ бон цæрын нæ бауыдзæн.