Цӕгат Ирыстоны сывӕллонмӕ кӕсыны фæдыл фиддонтæ исынц 250 фыды

Сабимӕ кӕсыны фæдыл отпуск райсын æрмаст мады бон нæу. Фиддон снысан кæныны бар ис кусæг фыдæн дæр, уыимæ æндæр хион кæнæ æвджиддарæн, сывӕллонмӕ ӕцӕг чи зилы, уымӕн. 2026 азы райдианӕй ӕрвылмӕйон фиддон ноггуырдмæ кӕсыны тыххӕй Цӕгат Ирыстоны исынц 3 мин 280 адӕймаджы. Се 'хсӕн — 250 фыды. Фиддон хъахъхъӕд цӕуы, фыд ӕмгъуыдӕй раздӕр куыстмӕ куы рацӕуа, уӕд — уыимӕ ӕххӕст бонмӕ, дистанцион хуызы куы фæллой кæна, кӕнӕ ӕндӕр куыстдæттæгмæ куы хиза, уӕд. Фиддоны фæдыл курдиат бадæттын йæ бон у, чи нӕ кусы, уыцы фыдӕн дӕр. Фӕлӕ йӕ уӕд снысан кӕнынц бинонты ӕфтиӕгтӕ ӕмӕ исбон хынцгӕйӕ — курдиат бадæттæг ӕгуыстдзинады пособи куы нӕ иса, уӕд. Ахсджиаг у: иу сывӕллонӕн фиддон райсы ӕрмӕстдӕр бинонты иу уӕнг. Афӕдз ӕмӕ ӕрдӕгӕй къаддӕр сывӕллӕттӕ цалдӕр куы уой, уӕд фæрæзтæ нысангонд цӕуынц алкӕмӕн дӕр. Курдиат бадӕттӕн ис Паддзахадон Лӕггӕдты фӕрцы, Социалон фонды цæгатирыстойнаг хайады клиентон службӕты кӕнӕ бирæвæрсыг центры.