Дзанайты Барис разамындæй арæзт æрцыд паддзахадон программæтæ æмæ национ проекттæ

Республикæйы хицауады уæнгтæ уал рæстæгмæйы хатдзæгтæ скодтой национ проекттæ куыд æххæстгонд цæуынц, уыцы архайдæн. Æмбырд амыдта премьер Дзанайты Барис. 4 миллиарды æмæ 800 милуан сомы уал хардзгонд æрцыд афæдзы фыццаг 6 мæймæ. Уыдонæй 3 милиардæй фылдæр сты федералон фæрæзтæ. Национ проектты æмæ паддзахадон программæты 'руаджы Дзæуджыхъæуы дарддæр цæуы ацæргæ адæмы æмæ инвалидты Хæдзар-интернаты арæзтад. Уыимæ куыстытæ цæуынц Беслæны æмæ Мæздæджы аивæдты скъолаты. Дур-Дур, Цыкола, Куырттат æмæ Майскийы та цæуы рæвдауæндæтты арæзтад 120 бынатимæ, Змæйкæйы та Культурæйы хæдзар æмæ скъола.