Цӕгат Ирыстоны хъæлæс кæнынц цӕрӕн пункттӕ тагъд мобилон интернетæй баххæст кæныны фæдыл

Цӕгат Ирыстоны хъæлæс кæнынц цӕрӕн пункттӕ тагъд мобилон интернетæй баххæст кæныны фæдыл. Ныхас цӕуы, 100-йæ 1000 адӕймаджы онг кӕм цӕры, уыцы территоритыл. Схъæлæс кæнæн ис дыууӕ хуызы: Паддзахадон Лӕггӕдты порталы, кӕнӕ 9-æм ноябрьмæ нымæцон рӕзты министрадмӕ фыстæг арвитгӕйӕ. "Информацион инфраструктурӕ" -йы программӕ нацпроект «Экономика данных и цифровая трансформация государства»-йы фӕрцы хӕрзхъӕд бастдзинад ныридӕгӕн ис Хъобаны, Зӕронд Санибайы, Махческы ӕмӕ Тельманы поселочы. Ацы азы кӕронмӕ бындурон станцӕтӕ фӕзындзысты Стыр-Дыгуры ӕмӕ Кусовойы. Чысыл горӕттӕ ӕмӕ хъӕутӕ тагъд интернетӕй ифтонг кӕнын цӕуы Владимир Путины фӕдзӕхстмӕ гӕсгӕ.