Дзанайты Барис сарӕзта ӕмбырд промышленность ӕмӕ инвестицитӕн ӕххуысы мадзӕлтты фӕдыл

Дзанайты Барис сарӕзта ӕмбырд промышленность ӕмӕ инвестицитӕн ӕххуысы мадзӕлтты фӕдыл. Ныхас цыд, дзуапдæттæг министрад дӕлбар организацитæн ӕмӕ куыстуӕттӕн цы субсидитӕ радих кӕны, уыдон æххæст кæныныл. Министры хæстæ рæстæгмæ æххæстгæнæг Атарты Оледжы ныхӕстӕм гӕсгӕ — промышленнон кондады индекс сырӕзт ӕмӕ схӕццӕ 103,1% онг, уыимæ фӕфылдӕр сты товартӕ ласыны куыстытӕ. Промышленносты рӕзты Фонды уæлæмхасæн капиталæн ацы аз ӕрвыст ӕрцӕудзӕн 44 милуан сомӕй фылдӕр. 2022 азӕй фонд райста 560 милуанӕй фылдӕр ӕмӕ ӕхцайы фӕрӕзтӕ радта 16 инвестпроектæн 540 милуаны аргъæн. Хицӕнӕй ӕрныхас кодтой адӕмон сфæлдыстады центры куыстыл. Дзанайты Барис бабар кодта продукцийы хӕрзхъӕддзинад фылдӕр кӕнын — уый хъуамӕ æрмæст республикӕйы культурӕ ма парахат кӕна, фӕлӕ ма бюджетмӕ ӕфтиæгтæ дӕр хӕсса.