15 ЁШЛИ ҚИЗНИ КИМ ТУРМУШГА БЕРДИ?..

Таҳририятимизга бўлган мурожаатга кўра, 2009 йил, 3-октябрда туғилган ёш қизалоқни турмушга беришган. Ота онанинг оилавий келишмовчиликлари, оилага ташқаридан бўлган таъсирлар ҳали қўғирчоқ ўйнаб юрган қизалоқни келинлик остонасига боришга мажбурлаган. Ота – ҳали аёли билан ажрашмаган, ҳуқуқан оталиги бекор қилинмаган, аммо қизини турмушга берилганидан бехабар қолган. Она – касалимни даволатаман, деб бир неча йиллар муқаддам Россияга кетгану уйига қайтиб қадам босмаган. 15 яшар қиз тўйидан 3-4 ой олдин отаси билан телефонда гаплашгани учун мажбуран сочи олиб ташланган... Отанинг иддаосича – қайнонаси неварасини босим остида эрга берган. Ҳар не бўлганда ҳам, 15 яшар қизни турмушга бериш адолатданми?.. Қонунга тўғри келадими?.. Сурхондарё вилоят Ички ишлар бошқармасидан видео мурожаатга расмий жавоб кутамиз. “Муштум” бобо P/S: Иккинчи томонга ҳам муносабат билдириши учун таҳририятнинг эшиги очиқ.