Нохчийчоь. Апти Бисултанов, нохчийн поэт. Нохчийн матьахь (на чеченском языке).

Нохчийчоь. Апти Бисултанов, нохчийн поэт. Нохчийн матьахь (на чеченском языке). Нохчийчоь. Беттаса схьакхийти, эзар шо хьалха Кхеташ ма-хиллара гlайгlане, цхьалха, Адамаш чудирзи, эзар шо хьалха Доьрзуш ма-хиллара даха йа кхалха... Нохчийчоь, латта хьо, серлонан х1ордах, Эзар шо даьлча а йаха ца к1ордош... Мостагlа вогlур ву - дуьсур ду дерташ, Дуьссур ду хьан лекха, хьан хаза бердаш, Хьаша-да вогlур ву - йуьсур йу марзо, И марзо йелхайо хьан ломахь барзо, Гlелашна гlергlачу курачу сайно, Цlе йоцчу кошан тlехь даьллачу стайно. И марзо йелхош ду сан х1ора дош а, Хьан дато некъаш а, момсарийн бос а... Нохчийчоь, латта хьо, серлонан хlордах, Эзар шо даьлча а йаха ца кlордош... Со кхуззахь вина ву, тийналлийн кlоргехь, Хьан сина тийжачу кхокханан кlорни, Пен боцчу хlусамехь, тхов боцчу кхерчахь, Да воцуш кхиъна со, хьан ц1арах хьерчаш. Хьан бlаьвнийн херцаршлахь бецан хал санна, Хьан серло тергалйан ма дезна сан а, Хьан стиглахь аьрзунийн мохь санна шийла, Со а дlавовр ву цкъа, тийналлех ийна... Нохчийчоь, латта хьо, серлонан хlордах, Эзар шо даьлча а йаха ца кlордош... Тхо девлла дlагlур ду, дуьсур ду дешнаш, Дуьсур ду хьан хаза, хьан оьзда кешнаш, Буц йолу, буц йуьжу ойлане баьрзнаш, Воьдучун, вогlучун доlанийн аьзнаш. Хьан херцарш йуьсур йу, да воцуш велха, Дуьсур ду хьан стиглахь аьрзунийн хелхарш, Йуьсур йу назманаш, зуькарийн шовкъаш, Йуьсур йу тхан дагалецамийн овкъарш... Хьо йиса, Нохчийчоь, серлонан хlордах, Эзар шо даьлча а йаха ца кlордош. Апти Бисултанов. #ichkeria #апти #бисултанов #чечня #чеченцы #поэт #нохчи #нохчийчоь #fyp