Стихира Усекновения Святого Иоанна Предтечи

Рождеству́ сотворя́ему безсту́днаго И́рода, / скве́рныя пляса́вицы исполня́шеся сложе́ние кля́твы: / Предте́чева бо глава́, отсе́кшися, / я́ко сне́дь, ноша́шеся на блю́де возлежа́щым. / О, пи́ра ме́рзка, / непреподо́бна дея́ния / и уби́йства испо́лнена! / Но мы́ Крести́теля, я́ко в рожде́нных жена́ми бо́льша, // досто́йно чту́ще, ублажа́ем.