Молитва Воскресшему Господу Иисусу Христу

Молитва Воскресшему Господу Иисусу Христу Источник: https://благовестсамара.рф/-molitvoslov_page_43432 Пасхальные песнопения. Пасхальные песнопения в исполнении хора братии Валаамского монастыря. https://youtu.be/CgrNuimT_RE https://rutube.ru/video/d221757b7422ad0afb585fd317edadc1/ Воскресение Христово. Новый Завет – детям. https://rutube.ru/video/0623fe33d993988f8554b00ab9f6c90c/ https://youtu.be/4AGktHaRWJ4 Пасха! Воскресение Христово. Видео открытка-поздравление https://rutube.ru/video/057e95f6996f3945df586ef2ec4a7bf2/ https://youtu.be/4U1uN1vjB58 О, Священнейший и Величайший Свете Христе, Возсиявый всему миру паче солнца в Воскресении Твоем! В сей пресветлый и преславный и спасительный день Святыя Пасхи ликуют вси ангели на небеси и всяка тварь веселится и радуется на земли и всякое дыхание прославляет Тя, Творца своего. Днесь отверзошася райския врата и свободишася умершия во ад сошествием Твоим. Ныне вся исполнишася света, небо же, земля и преисподняя. Да приидет убо Твой свет и в наши мрачныя души и сердца и да просветит нашу тамо сущую нощь греха, да и мы сияти будем светом правды и чистоты в пресветлыя дни Воскресения Твоего, яко же новая тварь о Тебе. И тако просвещеннии Тобою изыдем свещеноснии во сретение Твое, исходящему Тебе из гроба, яко Жениху. И яко возвеселил еси в пресветлый день сей явлением Своим святых дев, зело заутра с миры ко гробу Твоему пришедших, тако и ныне просвети нощь глубокую страстей наших и возсияй нам утро безстрастия и чистоты, да узрим Тя сердечными очесы краснаго паче солнца Жениха своего и да услышим паки вожделенный глас Твой: Радуйтеся! И тако вкусивши Божественныя радости Святыя Пасхи еще зде на земли, да будем причастницы Твоея вечныя и великия Пасхи на небесех в невечернем дни Царствия Твоего, идеже будет веселие неизреченное и празднующих глас непрестанный и неизреченная сладость зрящих Лица Твоего доброту неизреченную. Ты бо еси Истинный свет просвещаяй и освящаяй всяческая, Христе Боже наш, и Тебе слава подобает во веки веков. Аминь.