Мансур ага җырга-моңга да гашыйк.

Олы Бакырчы авылында туып-үскән, чаңгы шуу остасы, Рәсәй Федерациясе, СССР спорт мастеры, ветераннар арасында дөнья призеры Мансур Әхмәдиев Апас белән горурланып, райондашларның уңышларына сөенеп яши. Үзе дә яшь апаслыларны чаңгы спортына тарту буенча зур өлеш кертә. Яшь чаңгычыларның остазы ул. Җилдәй җитез чаңгы шуу остасы Мансур ага җырга-моңга да гашыйк. Оста итеп баянда уйный, кушылып җырлый да. Ел саен районда узган "Гармун моңы - йөрәк җыры" фестивалендә дә бик теләп катнаша.