Руске слово 36/18-Ruske slovo 36/18

Вишло 36. тогорочне число новинох "Руске слово" у котрим можеце пречитац и шлїдуюце. У рубрики „Тижньовнїк” представени перши два преглашени лїстини за вибор членох нового зволаня Националного совиту Руснацох, а у рубрики „Нашо места” дати звит зоз СО Жабель и зоз отвераня етно-хижи фамелиї Виславски зоз Дюрдьова. „Економия” пише як ше одвива ламачка кукурици и тлачидба сої по хотарох у наших местох и яки тогорочни урожай лїсковцох ма Янко Ждиняк зоз Шиду. „Култура и просвита” звекшого пише о початку нового школского року у школох у Руским Керестуре, Коцуре и Дюрдьове, а тиж и о законченим Фестивалу народних тамбурових оркестрох „Мелодиї Руского двору” у Шидзе. „Мозаїк” зазначел як ше млади препровадзели на Лєтнєй журки „Aloha party” у Дюрдьове, а „Людзе, роки, живот” пише о стретнуцу з Кашайовима дзецми з Вербасу, зоз Янком Кижмишком з Руского Керестура и Любомиром Саболом з Коцура. „Духовни живот” дава вистки зоз наших парохийох, а „Спорт”интересантни и актуални вистки зоз роботи наших спортских клубох.