📚 Ел саен республикабызда укытучыларның һөнәри осталыгын, иҗади потенциалын һәм педагогик тәҗрибәсен бәяләүче иң дәрәҗәле бәйгеләрнең берсе – «Ел укытучысы» конкурсы уза. Бу бәйге үз эшенә тугрылыклы, заман белән бергә атлаучы, мәгариф өлкәсендә яңа фикерләр тәкъдим итүче мөгаллимнәрне барлый. Узган ел әлеге конкурсның «Иң яхшы татар теле һәм әдәбияты укытучысы» номинациясендә җиңүче булып Казандагы 11 нче күппрофильле лицейның татар теле һәм әдәбияты укытучысы Резидә Зөфәр кызы Курамшина танылды. Кунагыбыз белән әлеге бәйгедә җиңү юлы, конкурс тәҗрибәсе, татар теле укытуның бүгенге үзенчәлекләре һәм укытучы һөнәренең асылы турында сөйләшербез.