Өскемен қалалық трамвай паркі банкротқа ұшырады

Кәсіпорын бюджетке қыруар қарыз болып қалған. Биыл көктемде жеке компанияға тиесілі барлық трамвай көліктері мен ғимараттар тегіс аукционға қойылды. Электр қуатымен жүретін қоғамдық көліктерді облыстық әкімдікке қарасты «Ертіс» әлеуметтік кәсіпкерлік корпорациясы сатып алып, басқа кәсіпорынның қарамағына берген. Ал, «Өскемен қалалық трамвай паркі» серіктестігі Мемлекеттік кірістер басқармасының талабымен банкрот деп танылды. Кәсіпорынның мемлекет алдындағы қарызы 100 миллион теңгеден асып кеткен.