Кукмара аграрийлары язгы кыр эшләренә кереште. Без дә беренчеләрдән булып кырга чыккан “Урал” җәмгыяте игенчеләре янында булып кайттык. Аларның “Роса” агрегаты белән күпьеллык үлән басуларына минераль ашлама сипкән чагы иде. Эшләр оешкан төстә бара, техника да, кешеләр дә тулы әзерлектә. Игенчеләр вакытны әрәм итмичә, язгы эшләрне кыска срокларда сыйфатлы итеп башкарып чыгарга ниятли.