Ял хуçăлăх аталанăвне тишкерчĕç

«Агропромышленность аталанăвĕн çивĕч ыйтăвĕсем» ятпа иртнĕ çавра сĕтеле 50 яхăн паллă ентеш пухăнчĕ. Вĕсен йышĕнче - Раççей Федерацийĕн сенаторĕ, Чăваш Енĕн пĕрремĕш Президенчĕ Николай Федоров, Тутар Республикин тава тивĕçлĕ агрономĕ Владимир Владимиров тата ытти те. Пухăннисем пĕр-пĕринпе ĕç опычĕпе паллашрĕç, ял хуçалăха аталантармалли çул-йĕре сӳтсе яврĕç. Ĕçри хастарсене патшалăх наградисемпе чысларĕç.