Тӳлевсĕр выртма, апатланма май пур

Çитес çулхи кăрлач уйăхĕнчен сусăрсен ашшĕ-амăшĕн пепкисемпе пĕрле сыватмăшра пĕрле выртма ирĕк пур. Вĕсене тӳлевсĕр апатлантараççĕ, çывăрмалли вырăнпа тивĕçтереççĕ. Ку çĕнĕлĕхсем çинчен пире «Гарант-Шупашкар» пĕрлешӳ тĕплĕнрех каласа парать. АНАСТАСИЯ ЕГОРОВА: «Малтанхи пекех кунпа 4 çул тултарман пациентсен саккунлă представителĕсем усă курма пултараççĕ. Аслăрах пациентсен те ашшĕ-амăшĕн тӳлевсĕрех сыватмăшра пулма ирĕк пур, анчах та ача тĕлĕшпе тухтăрăн медицина кăтартăвĕсене çырни кирлĕ».