Паттăрсем вилмеççĕ – вĕсем халăх асĕнче

Раштав уйăхĕн 9-мĕшĕнче Раççейре Тăван Çĕршывăн Паттăрĕсен кунне паллă тăваççĕ. Йăлана кĕнĕ тăрăх, çак кун халăх ырлăхĕшĕн тăрăшакан хӳтĕлевçĕсене чыс тăваççĕ. Чăваш Ен те паттăр ар-ывăлĕсемпе палăрса тăрать. Шел пулин те, вĕсенчен чылайăшĕ хăюллăх кăтартнă чухне пуçĕсене хунă. Пиртен уйрăлнă паттăрсене асăнса Шупашкарти «Çĕнтерӳ» мемориал комплексĕнче чечек çыххисем хучĕç.