12 аспӧртэм дӥсь бичет возьматӥзы Ижкарын

Ижкарын йӧскалык дӥсь бичетъёсты возьматон ортчиз. Сое Удмуртиын Йӧскалык дӥсьлэн нуналэзлы тупатӥзы. Ужрад элькунысьтымы, озьы ик Пермь шаерысь, Татарстанысь но Комиысь дизайнеръёсты огазеяз. Соос 12 дӥсь коллекциосынызы тодматӥзы. «Та форматэн, искусствоен туннэ нуналлы туж трос тунсыкъясько егитъёс. Со туж шумпотымон, малы ке шуоно соос, одӥг ласянь, культуразэс утё, кылзэс, соос шӧдо, калыклэн выжыез луо шуыса. Мукет сямен, соос асьсэды возьмато, как формат самореализации луэ. Соин ик татын адӟиськом, арысь аре тунсыкъяськон быдэ шуыса», – вераз Удмуртиысь Калыкъёслэн эшъяськон юртэнызы кивалтӥсь Юлия Шахтина. Бичетъёсты возьматон йӧскалык модалы сӥзем арнялэн люкетэз вал. Со дыр ӵоже элькунын мастер-классъёс, котырес ӝӧкъёс, лекциос радъяськизы. Йӧскалык мода возьматэ, калык дӥсь музейысь экспонат ӧвӧл шуыса. Солы туала шӧм пыӵатыны но огшоры улонын нуллыны луэ. Таӵе ужрадъёс адямиослы выжыосынызы герӟаськемзэс шӧдыны, мукет калыкъёслэн лулчеберетэнызы тодматскыны сёто. Со валтӥсь ужпум луэ 2026-тӥ арын, кудзэ азьмурт Владимир Путин Россиысь калыкъёслэн огъя луэмзылэн ареныз ялӥз.